ཏོག་དབྱིབས་ནད་དུག་གི་ཆེས་སྤྱིར་བཏང་གི་ནད་རྟགས་ཁག་ནི། ཚ་བ་རྒྱས་པ་དང་། ཐང་ཆད་པ། སྐམ་ལུ་རྒྱག་པ། དབུགས་ལེན་དཀའ་བ(ཛ་དྲག་གི་གནས་སྟངས།)་སོགས་ཡིན། ནད་པ་ཁ་ཤས་ལ་གཟུགས་པོར་ན་ཟུག་གཏོང་བ་དང་། སྣ་འགག་པ། སྣ་ཆུ་བཞུར་བ། མིད་པ་ན་བ། གྲོད་ཁོག་བཤལ་བ་སོགས་ཀྱང་ཡོང་སྲིད། ནད་རྟགས་འདི་དག་སྤྱིར་བཏང་ཆམ་ནད་ཀྱི་ནད་རྟགས་འདྲ་བོ་ཡོད་ལ། དེ་དག་རིམ་བཞིན་འཕེལ་གྱི་ཡོད། མི་ཁ་ཤས་ལ་ན་ཚ་འགོས་ཡོད་རུང་། ནད་རྟགས་གང་ཡང་མི་ཐོན་པ་དང་། མི་བདེ་བ་ཚོར་བ་གང་ཡང་མི་ཡོང་བ་དེ་འདྲའང་ཡོད། མི་ཞིག་ལ་ནད་དུག་ཕོག་ཡོད་སྲིད་ཀྱང་། ཉིན་༡་ནས་ཉིན་༡༤་རྗེས་ལ་མ་གཏོགས་ནད་རྟགས་མི་ཐོན། ནད་དུག་ཕོག་མཁན་གྱི་ནད་པའི་ཁོངས་ནས་བརྒྱ་ཆ་༨༠ ལ་དམིགས་བསལ་གྱི་སྨན་བཅོས་དེ་འདྲ་མ་བྱས་པའི་ཐོག་ནས་དྲག་བསྐྱེད་འབྱུང་གི་ཡོད། དུག་དབྱིབས་ནད་དུག་ཕོག་མཁན་གྱི་ནད་པའི་དྲུག་ཆའི་གཅིག(༡/༦)་ལ་ནད་ལྕི་པོ་ཕོག་མཁན་ཡིན་ལ། ཁོང་ཚོར་དབུགས་གཏོང་ལེན་བྱེད་དཀའ་བའི་དཀའ་ངལ་འཕྲད་ཀྱི་ཡོད། ལོ་རྒན་པའི་རིགས་དང་། མིག་སྔར་ཁྲག་ཤེད་མཐོ་བའི་ནད་དང་། སྙིང་ནད། གཅིན་སྙི་ཟ་ཁུའི་ནད་སོགས་འཕྲོད་བསྟེན་གྱི་དཀའ་ངལ་ཡོད་མཁན་རིགས་ལ་ཏོག་དབྱིབས་ནད་དུག་གི་ན་ཚ་ལྕི་པོ་ཕོག་པའི་ཉེན་ཁ་ཆེན་པོ་ཡོད། ཚ་བ་རྒྱས་པ་དང་། གློ་ལུ་བ། དབུགས་ལེན་དཀའ་བའི་མི་ཚོས། ངེས་པར་དུ་སྨན་པར་བསྟེན་དགོས།
མཇུག་སྡོམ།
ཏོག་དབྱིབས་ནད་དུག་ནི་དངོས་ཡོད་ཀྱི་ན་ཚ་ཞིག་ཡིན། རང་ཉིད་གཅིག་པུ་ཙམ་མ་ཡིན་པར་སྤྱི་ཚོགས་ཁྱོན་ཡོངས་ཀྱི་བདེ་རྩའི་ཆེད་དུ། དངོས་ངེས་ཀྱི་སྔོན་འགོག་གི་བྱེད་ཐབས་སྤྱད་དགོས། དཔེར་ན། རང་ཁྱིམ་དུ་བསྡད་དེ་སྤྱི་ཚོགས་རྒྱང་བཀྱེད་ཀྱི་སྲིད་ཇུས་ལ་གུས་བརྩི་བྱས་དགོས། གལ་ཏེ་ཁྱེད་ལ་ན་ཚ་འགོས་ཚེ། སེམས་ཕམ་མི་རུང་ལ། དུས་མཚུངས་སུ་ན་ཚ་ཁྱབ་བརྡལ་མ་འགྲོ་བའི་ཐད་དུ་འབད་རྩོལ་བྱེད་དགོས། དགོས་ངེས་ཀྱི་ལག་ལེན་ཁག་ལག་བསྟར་བྱས་ཏེ་རང་གིས་རང་ལ་ནད་བཅོས་བྱེད་དགོས་ལ། ནད་དུག་ཕོག་མཁན་གྱི་ནད་པ་མང་ཆེ་བ་(བརྒྱ་ཆ་༨༠) ལ་དམིགས་བསལ་གྱི་སྨན་བཅོས་དེ་འདྲ་མ་བྱས་པའི་ཐོག་ནས་དྲག་བསྐྱེད་འབྱུང་གི་ཡོད་བསམས་ཏེ་སེམས་པ་སྐྱིད་པོ་བྱས་ནས་སྡོད་དགོས། གལ་ཆེ་ཤོས་ནི་དགོས་ངེས་ཀྱི་གསོལ་སྨན་དང་ཞལ་ལག་མཆོད་དགོས། ཚང་མ་འགྲིག་གི་རེད་བསམས་ཏེ། བསམ་བློ་ཡག་ས་ནས་གཏོང་དགོས།
ཡོངས་ཁུངས།
གནས་ཚུལ་རྒྱས་པ་མཁྱེན་འདོད་ཚེ།
(WHO=World Health Organization)
https://www.who.int/news-room/q-a-detail/q-a-coronaviruses#:~:text=symptoms
